Flóra Chois Fharraige - Flóra Chois Fharraige

An Nóinín Coiteann, Na hAille
An Meas Torc Allta, Na hAille
An Féithleann, Scailp an Chait
An Nóinín Mór, Bóthar an Tul Fhada
Seileastram Dearg, Na hAille
An Bleachtán Colgach, An Lochán Beag
An Cnádán, Na hAille
Fraoch na hAon Choise, Scailp an Chait
An Créachtach, Scailp an Chait
An Méaracán Gorm, An Cnoc
Lus na hIothlann, Scailp an Chait
An Magairlín Gaelach, Na hAille
An Raitheach Ríúil, Tulach an Leath Thoir
An Bolach Cnis, Baile an Logáin
An Fraoch Cloigíneach, An Bóthar Buí
An tIalus Fáil, Na hAille
An Neantóg, An Cnoc
An Mhínscoth, An Cnoc
An Fhiúise (Deora Dé), Na hAille
An Feochadán Reatha, An Cnoc
Airgead Luachra, Na hAille
An Cabhsadán, Bóthar an Tul Fhada
An Feochadán Corraigh, An Lochán Beag

Gnáthóga agus Plandaí

Cósta Gainimh

Cósta Gainimh

Scrobarnach

Scrobarnach

Duirling

Duirling

Cloch Nochtaithe

Cloch Nochtaithe

Raithneach Dhlúth

Raithneach Dhlúth

Portach

Portach

Talamh Fhliuch

Talamh Fhliuch

Claíocha agus Fothracha

Claíocha agus Fothracha

Talamh Féaraigh

Talamh Féaraigh

Sceacha Cósta

Sceacha Cósta

Flóra Chois Fharraige ar Instagram

florachoisfharraige

Tá Tím Chreige (Thymus drucei) le fáil ag fás

Tá Tím Chreige (Thymus drucei) le fáil ag fás sa gcréafóg bhocht atá timpeall ar chlocha nochtaithe i gCois Fharraige. Is planda dúchasach é, agus ní thabharfá faoi deara é ó cheann ceann a bliana nó go dtosaíonn na bláthanna bándearga agus corcra ag oscailt.

Faightear póiríní seangáin ag fás in aice leis go minic, agus clúdaíonn na plandaí ísle sin na clocha eibhir atá sa gceantar. Faightear níos minice ar chóstaí na tíre é, seachas lár tíre. Tá boladh láidir ar an bplanda brúite, agus úsáidtear é i gcócaireacht.

Tá roinnt ainmneacha difriúla Laidin ag an bplanda seo, Thymus polytrichus, ina measc, agus nílim cinnte cén t-ainm oifigiúil is déanaí atá air.

#FlóraChoisFharraige #CoisFharraige #Conamara
#Gaeilge #Gaeltacht
#TímChreige #ThymusPolytrichus #ThymusDrucei #WildThyme

Os rud gur ag trácht ar phlandaí feoilsúiteacha

Os rud gur ag trácht ar phlandaí feoilsúiteacha a bhí muid inné, seo ceann eile acu – an Leith Uisce Bheag (Pinguicula lusitanica). Maraon leis an drúchtín gréine, tá an planda seo le feiceáil anois ar phortach Chois Fharraige.

Tá bláth beag bán air, le spor feiceálach. Tá na duilleoga ramhar agus greamaitheach, agus beireann siad greim ar fheithidí má shiúlann siad orthu. Cosúil leis an drúchtín, filleann na duilleoga isteach ar a chéile (mar a fheictear sa tríú pictiúr) le nach féidir leis an gcreach éalú.

Díleáitear an fheithid go dtí nach bhfuil fanta ach crotal, a fhuadaítear sa ngaoth.

#FlóraChoisFharraige #CoisFharraige #Conamara
#Gaeilge #Gaeltacht #Portach
#LeithUisceBheag #PinguiculaLusitanica #Palebutterwort #Butterwort #bláthanna

Go bhfios dom, tá trí speiceas de dhrúchtín i

Go bhfios dom, tá trí speiceas de dhrúchtín i gCois Fharraige, agus is í fad na nduilleoga an difríocht mhór atá eatarthu.

Sa gcéad dá phictiúr tá Cailís Mhuire (Drosera intermedia), agus mar a thuigfeá ón Laidin, tá na duilleoga ar fhad idirmheánach. Tá duilleoga fada ar Chailís Mhuire Mhór (Drosera longifolia) – sa tríú pictiúir. Tá duilleoga gearra ar an Drúchtín Móna (Drosera rotundifolia), nach bhfuil le feiceáil anseo. Tá an trí chineál planda le feiceáil go forleathan ar phortach Chois Fharraige anois.

Tá na bláthanna beaga bána (an ceathrú pictiúir, bláth ón gCailís Mhuire Mhór) ag oscailt anois, ach is iad na duilleoga atá spéisiúil. Is plandaí feoilsúiteacha iad na drúchtíní. Téann feithidí i bhfostú sna ribí greamaitheacha atá ar na duilleoga, dúnann an duilleog isteach ar fhéin le go rachaidh níos mó de ribí na nduilleog i ngreim sa bhfeithid, agus díleánn na plandaí iad leis an sú greamaitheach.

Is mar seo a fhaigheann na drúchtíní na cothaithigh a chuireann ar a gcumas fás i gcréafóg bhocht an phortaigh.

#FlóraChoisFharraige #CoisFharraige #Conamara
#Gaeilge #Gaeltacht
#CailísMhuire #CailísMhuireMhór #Drúchtín #DrúchtínMóna #bláthanna #Drosera #DroseraIntermedia #DroseraLongifolia #sundew #oblongleavedsundew #longleavedsundew #greatsundew #commonsundew

Faightear Plúr an Locháin (Lobelia dortmanna) i

Faightear Plúr an Locháin (Lobelia dortmanna) i locháin uisce ar phortach Chois Fharraige. Tá na duilleoga tumtha go hiomlán san uisce portaigh, agus gobann gas an bhlátha amach as an lochán. Tá na bláthanna bán agus gorm/corcra.

Is planda leochaileach é seo, agus é ag brath ar choinníollacha ar leith - easpa truailliú agus leibhéal an uisce atá seasmhach. Ní fios cé mhéid lochán portaigh sa gceantar ina bhfuil an bláth ag fás iontu, ach bhí an lochán seo beo leo.

Tá sé deacair pictiúr a thógáil den bhláth seo, mar bíonn na gasanna arda seasta ag luascadh anonn is anall, fiú i ngaoth éadrom (sin agus go bhfuil sé go minic ag fás i bhfad ó bhruach an locha).

#FlóraChoisFharraige #CoisFharraige #Conamara
#Gaeilge #Gaeltacht
#PlúrAnLocháin #LobeliaDortmanna #WaterLobelia #bláthanna

Tá Cois Fharraige brataithe ag an Ialus Fáil (Ca

Tá Cois Fharraige brataithe ag an Ialus Fáil (Calystegia sepium) an tráth seo den bhliain. Tá na féitheanna seo ag fás (an-sciobtha) le mí anuas agus is anois atá bláthanna ag teacht orthu.

Is plandaí dreaptha iad seo, agus beireann siad greim ar raithneach, driseacha agus fiailí eile lena mbealach a dhéanamh suas i dtreo na gréine.

Faightear ar an duirling freisin iad, ag fás i measc na cloch, agus is ansin a tógadh an pictiúr seo (bhí aimsir gharbh ann le gairid, agus is léir gur dhó an sáile na duilleoga).

#FlóraChoisFharraige #CoisFharraige #Conamara
#Gaeilge #Gaeltacht
#IalusFáil #CalystegiaSepium #Bindweed #HedgeBindweed #bláthanna

Is bliantóg é an Corrán Lín (Spergula arvensis

Is bliantóg é an Corrán Lín (Spergula arvensis) agus faightear go minic é ar thalamh ghainmheach, aigéadach. Má scaoiltear leis, déanann sé planda íseal, dlúth le bláthanna beaga bána.

Go minic ní osclaíonn na bláthanna go dtí an tráthnóna.

Maireann na síolta sa talamh ar feadh blianta, breathnaítear air mar fhiaile, agus tá sé go mór faoi bhrú ag an diantalmhaíocht,

#FlóraChoisFharraige #CoisFharraige #Conamara
#Gaeilge #Gaeltacht
#CorránLín #SpergulaArvensis #CornSpurrey #bláthanna

Feictear dhom nach bhfuil mórán plandaí neamhch

Feictear dhom nach bhfuil mórán plandaí neamhchoitianta, nó uathúil, i gCois Fharraige (in ainneoin go bhfuil éagsúlacht suntasach flóra ann). Ach sílim nach bhfuil Liath na Trá (Artemesia maritima), planda beag cósta, chomh coitianta sin in Éirinn. Níl feicthe agam ach planda amháin (an ceann sa bpictiúir) ar fud chósta Chois Fharraige.

Deir www.irishwildflowers.ie go bhfuil sé ‘rare’.

Breathnaíonn Liath na Trá cosúil leis an léicean, Eabhar Mara (Ramalina), atá flúirseach anois ar na carraigeacha cósta, agus is ní thabharfá suntas gur planda difriúil é mura mbeifeá in aice leis.

Is ilbhliantóg é, agus tá pictiúir agam den phlanda céanna ar www.florachoisfharraige.ie mar a bhí sé anuraidh i dtreo deireadh an tsamhraidh (níos mó).

#FlóraChoisFharraige #CoisFharraige #Conamara
#Gaeilge #Gaeltacht
#LiathNaTrá #ArtemisiaMaritima #SeaWormwood

Tá Tursarraing Bheag nó Tursarraingín (tearma.i

Tá Tursarraing Bheag nó Tursarraingín (tearma.ie) ar an mbláth beag bán seo (Stellaria graminea), atá coitianta sa gceantar anois. Bíonn go leor bláthanna ar an ngas, agus bíonn sé le feiceáil sa bhféar agus ar thaobh na mbóithríní.

Is chúig pheiteal atá ag an mbláth, ach go bhfuil gach ceann scoilte beagnach i dhá leath, le go mbreathnaíonn sé go bhfuil 10 gcinn air. Tá na seipil ghlasa le feiceáil go soiléir faoi na peitil. Ní mhaireann na bláthanna ach roinnt laethanta, ach tagann ceanna nua go rialta, agus mar sin fanann an planda i mbláth ar feadh tréimhse dheas.

Má tá ‘wort’ san ainm Béarla, ciallaíonn sé go raibh úsáid ecínt sa bplanda, sa gcás seo mar leighis do phian sa mbolg héis aclaíocht throm. Ní fios an bhfuil bunús eolaíochta leis seo.

#FlóraChoisFharraige #CoisFharraige #Conamara
#Gaeilge #Gaeltacht
#TursarraingBheag #Tursarraingín #LesserStitchwort #bláthanna

Táim réasúnta cinnte gur Peirsil Bhó (Anthrisc

Táim réasúnta cinnte gur Peirsil Bhó (Anthriscus sylvestris) é seo, ag fás i gCois Fharraige.

Tá sé sa bhfine Apiaceae (nó Umbelliferae), in éineacht le go leor bláthanna móra bána comhchosúla eile, an Moing Mhear (Conium maculatum) – bláth atá thar a bheith nimhneach – ina measc. Nílim cinnte an bhfuil an planda sin fairsing i gCois Fharraige, ach ní rachainn sa tseans le haon bhláth a bhreathnaíonn cosúil leis.

Tá leataobh an bhóthair agus garrantaí fiáine beo leis an mbláth an tráth seo den bhliain.

#FlóraChoisFharraige #CoisFharraige #Conamara
#Gaeilge #Gaeltacht
#PeirsilBhó #AnthriscusSylvestris #CowParsley
#Bláthanna

Load More… Lean muid ar Instagram