Crobh Diosctha

Geranium dissectum

Cut-leaved Crane’s-bill

Tá an Crobh Giobach (Geranium dissectum) forleathan ar leataobh bhóithríní Chois Fharraige sa samhradh. Is bliantóg dhúchasach í, le bláthanna beaga corcra/bán dearg dorcha, agus chúig pheiteal atá eangaithe nó scoilte de bheagáinín in uachtar.

Go dtí seo, d’aimsigh mé dhá phlanda eile sa ngéineas seo i gCois Fharraige, an Drioball Rí (Geranium robertianum) – atá forleathan – agus an Crobh Geal (Geranium lucidum). Tagann an focal Geranium ón bhfocal Gréigis don ghrús, éan nach maireann níos mó in Éirinn (cé go mb’fhéidir go bhfuileadar ag teacht ar ais arís). Breathnaíonn toradh an phlanda cosúil le gob an ghrúis.