Luzula campestris

Field Wood-rush; Good Friday Grass

Ní thabharfá mórán suntais don Ghiúnach Léana dá bhfeicfeá é ag fás sa ngarraí. Is planda beag, íseal é le bláthanna beaga donna. Tá cuma an luachra ar an ngiúnach, agus go deimhin tá sé sa gclann chéanna – Juncaceae – leis na luachra eile. Tá Juncus campestris mar ainm eile Laidine orthu.

Cé go dtaitnaíonn chuile chineál creafóige leis an ngiúnach, tá sé thar a bheith sásta in ithir aigéadach, agus mar sin tá siad forleathan i gCois Fharraige, ar thaobh na mboithríní, sa bhféar agus sna garrantaí.

Tugtar Good Friday Grass air sa mBéarla, seans mar gur san earrach (Aibreán agus Bealtaine) is mó a bhíonn na bláthanna le feiceáil.