Cúigmhéarach Corraigh

Comarum palustre (Potentilla palustris)

Marsh Cinquefoil

Tá an Cnó Léana (Comarum palustre) le fáil ar thalamh fhliuch i gCois Fharraige. Mar go bhfuil bá aige do chréafóg aigéadach, tá sé fairsing go háitiúil.

Tugtar an Cúigmhéarach Corraigh air freisin. Ba Potentilla palustris a bhí ar an bplanda go dtí le gairid, agus is Potentilla reptans an Laidin ar an gCúig Mhéar Mhuire. Seans gur uaidh sin a fuair sé an t-ainm ailtéarnach. Baineann “Corrach” le riasc nó bogach, focal atá níos feiliúnaí do ghnáthóg nádúrtha an phlanda.  

Tá an planda spéisiúil mar gur seipil, seachas peitil, iad na coda dearga sin atá ar imeall an bhlátha.