Cerastium arvense
Field Mouse-ear
Tá an Chluas Luchóige Mhóinéir (Cerastium arvense) le feiceáil le cósta i gCois Fharraige. Tá an bláth mór i gcomparáid le plandaí eile sa ngéineas céanna (An Chluas Luchóige Ghreamaitheach agus an Chluas Luchóige Choiteann).
Deirtear nach bláth coiteanta é seo in Éirinn, agus más amhlaidh sin, tá sé ar cheann de ghrúpa beag plandaí neamhchoitianta atá le feiceáil i gCois Fharraige.
Tá sé sa bhfine Caryophyllaceae, agus é cosúil le planda eile a bhí fás in aice leis nuair a thóg mé an pictiúir, an Coireán Mara (Silene uniflora).




